நான் யார்?. விவாத மேடை

நான் யார் ?. 

நீங்கள் அனைவரும் அறிந்து கொள்ள வேண்டிய கேள்வி இது. என்னை நானே முதலில் கேட்டுக்‍கொள்கின்றேன்.

இந்த அருட்சிவம் வலைப்பதிவின் இடுகை இடுபவரின் பெயர் அருட்சிவஞானசித்தர் என்று உள்ளதற்காக சிவயோகசாரம் 02பதிவுக்கு திரு. டுபாக்கூர் பதிவர்  பின்வருமாறு கருத்துரை கூறியுள்ளார். (இவரின் கருத்துரைக்கு நான் நன்றி சொல்ல கடைமைப்பட்டுள்ளேன்).

//எனக்கு ஒரு அடிப்படை சந்தேகம்.. எனக்குத் தெரிந்து சித்தர்களாய் அறியப் படும் எவரும் தங்களை சித்தன் என்று சொல்லிக் கொண்டதாய் தெரியவில்லை. மேலும் சித்தர்களின் பாடல்களில் கூட தங்களின் குருநாதர்களின் பெயரைத்தான் சொல்லியிருக்கின்றனரே தவிர அவர்களை சித்தர்கள் என்று அடைமொழியோடு சொன்னதில்லை...அப்படி இருக்க உங்களை நீங்களே சித்தர் எனச் சொல்லிக் கொள்வது அபத்தமாக இல்லையா?. //
பெயர் இல்லாதவர் சிலரும் இதே கருத்தை கூறியுள்ளார்கள்.
இவர்கள் உண்மையை தெரிந்துகொண்டுதான் இருக்கின்றார்களா?. அல்லது சித்தர்களை பற்றி அறியாதவர்களாக இருக்கின்றார்களா? என்று நான் அறியவில்லை.
சரி. கேள்வி என்று ஒன்று வந்துவிட்டது?. பதிலினை தேடுவோம்.


சித்தர் என்ற சொல்லுக்கு என்ன அர்த்தம்?
சித்தர்கள் என்றால் யார்? சித்தர்களின் வகைப்பாடு எவை?
அவர்கள் தோற்றுவித்த கலைகள் எவை?எவை?
சித்தர் நிலை என்றால் என்றால் என்ன ?.
ஒரு சராசரி மனிதன் சித்தர் நிலை அடைய வேண்டுமென்றால் என்ன செய்ய வேண்டும்?.
இந்த கலியுகத்தில் சித்தர்கள் நம்மிடையே வாழ்கின்றார்களா?
சித்தர்கள் அவசியத்தைக் கருதி தற்காலத்தில் பிறப்பு எடுக்கின்றார்களா?.
சித்தர்கள் தற்காலத்தில் தோரயமாக எத்தனை பேர்கள் ரூபமாக, அரூபமாக உள்ளனர்?.
அருட்சிவஞானசித்தர் என்ற சொல்லுக்கு பொருள் என்னவென்று கொள்ளலாம்? (கவனிக்க அருட்சிவஞானசித்தர் என்ற சொல்லுக்கு மட்டும்).

இன்னும் பல்வேறு கேள்விகளுக்கான விடைகளை, தங்களது கருத்துக்களை ஆன்மீகம், சித்தர்கள் தொடர்பான வலைப்பதிவர்கள், வலைப்பதிவு வாசக, வாசகிகளை, இந்த பதிவில் பின்னூட்டக் கருத்தாகவோ, அல்லது saimeenan@gmail.com என்ற மின்முகவரிக்கு கட்டுரையாகவோ அனுப்பிவைத்து உதவும்படி மிகத்தாழ்மையுடன் கேட்டுக்கொள்கின்றேன்.
சித்தர்கள் தொடர்பான தளங்கள், வலைப்பதிவுகள் இருந்தாலும் அதன் முகவரியை எனது மின்னஞ்சலுக்கு அனுப்பவேண்டுகின்றேன். உங்களுக்கு தெரிந்தவர்களிடமும் இப்பொருள் குறித்து விவாதித்து பதில் அனுப்பலாம்.

நான் எனது பதில்களையும் அவ்வப்போது இவ்வலைப்பதிவில் பதிவேற்றுகின்றேன். மேற்படி பொருள் குறித்து ஒரு ஆரோக்கியமான விவாதம் இப்பதிவில் பின்னூட்ட வடிவிலேயே வெளியிட எண்ணியுள்ளேன். சித்தர்களின் ஆசியும், என் குருநாதர் சுருளிமலைச் சித்தர் கதசசிகாரரின் ஆசியும் நான் யார்? என்று அறிந்து மீண்டும் உறுதிபடுத்தும் என்று நம்புகின்றேன்.

என்னை நான் தெளிவு படுத்திக் கொள்ள எனக்கு உதவும்படி வேண்டி இந்த விவாதத்தை சுபமாக ஆரம்பிக்கின்றேன். சுபமாகவே முடிய அருட்சிவம் என்னும் பரம்பொருளை வேண்டுகின்றேன்.
அன்புடனும்,
அருளுடனும்,
என்றும் தங்கள் நட்பை வேண்டும் ஓர் ஜீவன்.